ONE LIFE, LIVE IT

M. O.:Ta sain baina uu B. G.?

B. G.: Sain. Sain baina uu ta?

M. O.: Ch. E. bolon M. O. minii biye Zoolon gegch hoolnii gazar 2008 onii 07 sariin 15nii odriin 13 tsag 15 minutad E. A. gegchtei hoolond orohoor aman tohiroltoo hiisen bolno.
Tiimees B. G. taniig bidentei negdehiig urij baina.
Urilgiig huleen avsan bol yamar neg helbereer hariu medegdehiig husye!

B. G.: Tanii huseltiig huleen avlaa. Minii zugees tatgalzah zuil alga. Tanii sanal avuushtai zuil baigaag tsohon temdeglej bna.

M. O.: Bayarlalaa. Zahialgiig 2008 onii 7r sariin 15nii odriin 13 tsagaas omno hiih yostoi bogood hotsorson tohioldold huleen avahgui bolno. Tiimees ta ali boloh yaaraltai zahialgaa ogno uu?
Zahialgah hoolnii uniin sanaliig havraltsaas harna uu

B. G: Tiim ee. Turuuchiin udaagiin zahialgiig naidvargui heregsleer damjuulsnaas uuden iheehen tsag hugatsaag aldsan gashuun turshlaga bidend baigaa bilee. Ene udaad dahin davtahgui baihiig ta buhnees husej bna.

M. O.: zaza gutsaad blgui yu avahaa heleesh

B. G.: hehe
shal soliotoi yum
Tsagaan moogtei huurga

M. O.: Tanii zahialgiig huleen avlaa.

B. G.: ene buhniig tsag aldalgui medegdsen tand talarhal ilerhiilj ajliin amjilt husie.

M. O.: Tand ch bas

hishnik: yum asuuya
++++++: zo
hishnik: windows
hishnik: 98
hishnik: bg bhgui yu
hishnik: teged server-tei gee ehleed asahdaa holbogdol bgaad daraa heseg hugatsaanii daraa tasraad bh yum
hishnik: enii yuniih we?
++++++: ene hairiinh
++++++:
hishnik: mayaglaad bai
hishnik: holbogdood tasraad bn geheer virus ?
++++++: medq bna

Монгол блог хостуудын зарим мэдэх боломжтойгынх нь тоог гаргалаа.

gogo.mn — 30000(?)
banjig.net - 5455
miniih.com - 2234
delhii.net - 1127
blognet.mn - 749

^{(2008-04-14 ний өдрийн байдлаар)}

Үүнээс гадна гадны анхдагчууд дээр хичнээн Монгол хүний үүсгэсэн блог байгааг хэлж мэдэшгүй нь. Монголчууд ерөн нилээд блог бичдэг болчихсон юм байна шүү. Google дээр блог гээд Монголоор бичээд хайсан чинь wikipedia-г эс тооцвол Монгол блогууд эхний нүүрэнд гардаг юм байна. Одоогоор дээрх блогуудын GoogleRank нь бүгдээрээ 3 байна.

За тэр gogo.mn-ий 30000 блог гэдэг нь өөрөө тоолж үзээгүй, gogo.mn-ий ажилтанаас сонссон тул үнэн эсэхэд эргэлзэж байна. Google-ээс “blog.gogo.mn” гээд хайхад 15600 вэб сайт олдож байгаа бөгөөд энэ нь blog.gogo.mn нь яавч 15600-аас ихгүй блогтой болов уу гэсэн бодол төрөхийн. Ингээд бодоход нийтдээ 30000 орчим блог байна гэсэн таамаглал гаргаж болохын. Монгол 100 хүн тутмын нэг нь блог бичдэг гээд бодвол овоо байна шүү. Энэ тоо дэлхийн дундаж өсөлтөөс эрс илүүгээр өсөж байгаа нь ойлгомжтой.

За энэ 30000 блог дээр Google Ads тавибал Монгол улсад ерөн чамлахааргүй $ ороод байх юм бишүү. Тэгээд бодохоор ICTA-ийн Сайханбилиг гуайд Microsoft-ийг царайчилж байхаар Google Ads-ийг Монгол хэл дэмждэг болгоод өг гэж гуй гэж хэлмээр байна. Тэгээд “1 хүн 1 блог” төсөл хэрэгжүүлээд, ядаж 500.000 Монгол хүн өөрийн блогтой боллоо гэж үзье. 500.000 гэдэг бол боломжгүй тоо биш. 20-40 насныхан гэхэд л хангалттай хүрнэ шүү дээ. Google Ads-аас за яахав сард 1$ оллоо гэхэд жилдээ 6 сая доллар Монгол руу орж ирж болох нь байна шт. Гэхдээ ганцхан доллар олно гэж байхгүй л дээ.

Одоохондоо миний мөрөөдөл боловч хэзээ нэгэн цагт биелээсэй гэж маш их хүсч байна.

+nlog.mn -614

blog.mn Ийм 2 блог хост байдгийг сая л мэдлээ.

[kml_flashembed movie="http://www.youtube.com/v/irhiYaT_sHs" width="425" height="350" wmode="transparent" /]
Энэ нөхрийн киног үзэж байснаас биш ингэж дуулдаг гэж яаж мэдэхэв. Ангайтал авдаг байна шт. Фоолинг ин лаав kk

PS:  1:38-г үзээрэй

Өглөөний мэнд! Зоо 1дэх өдөр ганц пост нэмье гэж бодоод амжихгүй байсаар байгаад өнөөдрийг хүрлээ.

Өнгөрсөн 7 хоногийн хувьд нэг их хийж бүтээсэн зүйлгүй л байлаа. Ажлын 5 хоногийн 2т нь муричихсан гэж байгаа. Мэдээж шалтгаангүй юу гэж мурихав, гэхдээ боссын хувьд хүндэтгэх шалтгаан мөн байсан эсэхийг би хэлж үл мэднэ.

За нэг дэвшилттэй ч юмуу аль эсвэл “Хөгширч ирж жороо сурав” гэгч нь болж байгаа ч юмуу бүү мэд. Нэг юм толгойд хадаастай болов. Тэр нь юу вэ гэхлээр уран зохиолын номыг чанга дуугаар уншиж байя гэдэг бодол. Юунд хэрэгтэйг нь та ойлгож байгаа байлгүй. Нэгдүгээр ангийн хүүхдүүд л ингэж уншдаг шиг санагджийн. Гэхдээ яахав нөү проблем :). Хөгширч ирж жороо сурав гэдгийн шалтгаан нь би 23 хүртлээ бүтэн ном уншиж үзээгүйд байгаа юм. Надтай адилхан ийм хэнэггүй толгой аз болоход байдаг л юм байна лээ :D. Одоогоос хэдхэн сарын өмнө юмдаа, хүн болж төрснийх нэг бүтэн ном уншиж үзье гэж бодсон. Тэгээд ямарч байсан нэг ном уншсан шүү. Нэрийг нь үл санал зохиолчийн “Гахай, тахианы аж ахуй хэрхэн эрхлэх вэ” гэдэг нэртэй ном байсан шиг санажийн. За яаахвээ нэг их эхлэл өрнөл төгсгөл гэсэн юм байхгүй ч тэр чигээрээ сонирхолтой байсан гээд хэлчихэд хилсдэхгүй байх.

Сониноос өнгөрсөн долоо хоногт нэг Дархан хот явдаг юм байна. Баасан гаригийн орой яваад Бямба гаригийн орой ирсэн. Ганц өдөр юу ч болоогүй байхад өнгөрчихлөө. Хүүхдийн парк, бурхан, морин хуур гэдэг гурван үзмэртэй. Хотынхоор бол харгалзаад парк, гандан, зайсан гэсэн үг гэж тэндхийн хүн тайлбарлав :). Өдөр очсон болохоор нэг их онц санагдсангүй. Уул нь орой очсон бол лайтай гоё, тэр тусмаа зуны орой бол энд өдөр шиг гэрэлтэй, энд тэнд усан оргилуурын ус хоржигноол, дуу яваал, хосууд болзоол, бум бужигнаж, түм түжигнэсэн сайхан газар байдаг юм байхоо. Зун очиж хагас бүтэн сайны 2 өдрийг өнгөрүүлнээ. Үзэн байж болъё гэгчээр өөрийн нүдээр сайхныг нь харж байж итгэнээ хө.

За тэгээд бүтэн сайн өдөр МТ инженерийн суурь шалгалт өгвөө. Өмнөх шалгалтуудаа бодвол арай гайгүй тест байсан болов уу. гэж бодоол. Уул нь өмнөх тестүүдийг гайгүй л хийлээ гэж бодоод дүнгээ харахаар л үсэрчихсэн байдын. Бас арай тэгчээгүй байгаа. Хэрэв тэгсэн бол мань хүн “МЭДДЭГГҮЙ бөгөөд МЭДДЭГГҮЙгээ МЭДДЭГГҮЙ” нөхөр болж таарах нь. Ийм хүнийг илжиг гэх бөгөөд хөөн тонилговол зохилтой гэж хэн нэгэн овоо гар нь айлдсан сурагтай.

Ойрд Google Adsense судлаад байгаа. Аймаар эд байна лээ. Тэгж байгаад тэрний талаар жаахан юм бичнээ.

Шинэ 7 хоногийн мэнд!

Мань хүн өдөр ирэх тусам өөрийгөө худалч гэж улам ихээр итгэх боллоо. Өнгөрсөн долоо хоногт нэг л их юм төлөвлөж бураад байсан чинь бүтэлтэй юм байдаггүй шүү. Нэг муу веб л дуусгах шив. 2 програм ч байхгүй, Дархан явах ч байхгүй. 25% хувийн биелэлттэй гэхээр одоо юу гэсэн үг вэ. За яахав өөрийгөө жаахан өмөөрөөд Дархан явах нь өөр ажилтай давхацсан гэсэн шалтгаан оруулаад үүнийг хасчихъя. Гэхдээ л 33%.

За одоо энэ 7 хоногт ийм юм хийнэ гэж худалчаа гайхуулах гэж байгаа юм шиг энд бураад яахав. Тэрний оронд өөр юм бичье. Юу вэ гэхлээр та аль хэдийн гарчигаа “Амжилттай бас амжилтгүй” гээд нэрлэчихсэн байгааг анзаараа байлгүй. Тэхээр би тэр амжилттай гэдгийнх нь талаар бичих гэж байна л даа.
Өнгөрсөн 7 хоногт програм хангамжийн төслийн удирдага гэдэг нэртэй Япон Монголын төвийн зохион байгуулсан сургалтад суулаа. Яг үнэндээ нүд нээгдэх шиг л боллоо. Урьд нь миний хувьд ямар нэг программыг ямар үнээр хийх ээ тохирохдоо тэр компани тийм үнээр хийдэг юм чинь би ийм үнээр хийчихэд болно гээл сохроор “буудаж” азаа үздэг байсан бол одоо өөрөөр хандана гэж бодож байгаа. Одоо бол өөрөө ямар хөрөнгө, цаг хугацаа зарцуулах вэ, ямар ашиг гаргаж авах вэ, ямар эрсдэл гарч болох вэ гэж бодож байгаад үнээ тохирно. Яг ингэж хэрэгжүүлж үзээгүй байгаа болохоор ямар асуудал гарч болохыг хэлж мэдэхгүй л байна л даа. Нэг хоёрыг ном ёсоор нь хийгээд эхлэхээр аяандаа мэргэших биз

.

Энэ хоёр бол програм хангамжийн төсөл хэрэгжүүлэх үйл явцын дараалал. Зураг дээр дарж томуурлаад хараарай. Энэ хэдхэн схемийг 3н жилийн өмнө мэдэж авсан ч болоосой. Тэгсэн бол бүх юм шал өөр байхгүй юу. За тэгээд төслийн менежерийн ур чадвар гэсэн чинь:

•Манлайлах чадвар

•Харилцааны чадвар

•Хэлэлцээр хийх чадвар

•Асуудлыг шийдвэрлэх чадвар

•Багт нөлөөлөх чадвар

Багт нөлөөлөх чадвар гэснээс энэ чадвар харин байж магадгүй шүү. Бусдаар бол би хэзээ ч төслийн менежер болохгүй юм байна. Гэхдээ зайлшгүй шаардлага байгаа болохоор хийхээс өөр аргагүй. Циркийн заан зураг зурж сураад байхад би яахаараа прожект менежер хийж болохгүй гэж
Үүнийг хожуу ч гэсэн мэдсэндээ сэтгэл хангалуун байна. Танд л гэж хэлэхэд:

ТӨЛӨВЛӨ, ТӨЛӨВЛӨ БАС ДАХИН ТӨЛӨВЛӨ

Амьдралаа ч ажлаа ч бүгдийн төлөвлөөд л бай гэж хэлмээр байна. Надаас тэгээд хэзээ нь хийх юм гэж битгий асуугаарай. Ер нь энэ талаар сонирхосон хүн надаас материал авч болно шүү.

Энэ 7 хоногт Эрхэм Уншигч Таны ажил, хичээл, амьдрал, юм юм тань сэтгэлчлэн бүтэх болтугай гэж ерөөе!

Boldbayar: ding
tsagdaad ajillah sonirholotoi gaigui guy bna uu…

Ott: yamarch bh bolomjgui yum asuuhiin

Boldbayar: bitgii huts zaa… yu ni bolom,jgui ge…
:-0

Ott: gaigui, tsagdaad ajillah sonirholtoi gedeg 2 chin shal esreg 2 yum bgaa bizde

Boldbayar: yag shdee…
gaigui hun tsaagdad ajillah sonirholgi baidiim uu…

Ott: aan programmist bish zugeer oor hun haigaad bgaamu
bi programmist haij bgaa yum bna gej oilgosiisht

Boldbayar: medeej programmer haij bna…

Шинэ 7 хоногийн мэнд!

Ийн нэгэн шинэ 7 хоногтой би золговоо. Энэ 7 хоног миний хувьд ажлын амжилт дуудсан 7 хоног байгаасай гэж хүсч байна. Учир нь миний хувьд төлөвлөсөн ажил маш их байгаа бөгөөд бүгдийг Баасан гарагийн оройноос өмнө дуусгах ёстой. Төлөвлөсөн ажлын жагсаалтад 1 веб хуудас, 2 програм хангамж багтаж байгаа бөгөөд ерөнхийдөө зовдогоо зовоод, халаа үзээд, зүгшрэх замдаа орчихоод байгаа боловч өөрөөс маань шалтгаалаад нэг л урагшилж өгөхгүй байгаа юм. Эрс шийдвэр гарган байж яаж байгаад ч хамаагүй энэ 7 хоногт багтааж дуусгана гэж төлөвлөсөн маань энэ бөлгөө. Ирэх 7 хоногт л дахиад ингээд төлөвлөөд сууж байхгүй юмсан.
Урьд нь тасралтгүй 30 гаран цаг комьпютерийн өмнө сууж юмаа хийдэг үе байсан ч одоо бол тэр сайхан цаг өнгөрчээ. 3-н цаг суувуу үгүй юу бие эрхтэн, сэтгэл санаа хоёрын харьцаа дайн тулаандаа хүртэл ширүүсэх юм. Зүүн хөл тэнд “баруун хөл намайг дарамтлаад дээрэлхээд байна” гэж гомдоллоод, Нуруу нугас тэнд “энэ муу толгой цээж 2 жин биднийг бяц дарж алахнээ” гэж орилоод, 2 нүд “Энэ зовхинууд чинь ажлаа хийхгүй байна” гэж гомдоллож байхад, 2 зовхи нь “Төвөөс ирэх энергийн хүрэлцээ муу байгаа тул ажил их саатаж байна” гэж өөрийгөө зөвтгөхийн. Тэгтэл тэр зүрх гэмгүй царайлчаад төв рүүгээ цусаа дутуу шахаад байхын. Энэ бүхнийг зохицуулах гэж тархи хөөрхий амьтан тамаа цайчих юмаа. Тэгээд бодоод байхнээ систем нь бүхлээрээ гажиг болчихсон ч юмуу. Хөөрхий эрхтнүүдээ 30 цаг суусан ч юм хэлдэггүй дуулгавартай байхад нь халамжилж л байдаг байж.
Баасан гарагийн орой Дархан хотыг зорьж тэнд ажлаа ч амжуулъя, айлаар ч оръё, амралтаа ч өнгөрүүлье гэж бодож байна. Нэг том ажил хийж бүтээчихээд амрах зуураа дээшээ хараал, тэр ажлыг хийж байсан тийм асуудал гарсан, тэгж шийдсэн нь зөв болсон байна гээл бодоол, нэг их эрх чөлөөтэй хэвтэж байвал ч гоёо. Бүр нүдэнд харагдаад төсөөлөгдөөд байхын. Зооз ямарч байсан надад амжилт хүсээрэй. Та бүхэнд ч бүтээлээр дүүрэн виик байх болтугай гэж ерөөе!

Өчигдөр Цэргийн баяр сайхан болж өнгөрсөн бололтой. Ажил дээрээсээ оройхон гарсан чинь согтуу хөлчүү хүн амьтан ихтэй, ерөн овоо их хүн л тасарч “гоё” баярласан бололтой. Надад баяр хүргэсэн хүмүүст ямарч байсан баярлалаа гээд хэлчихье, хэдийгээр миний баяр биш байсан ч гэсэн. Ихэнх хүмүүс энэ чинь цэргийн баяр болохоос чиний баяр биш гэж л хэлж байна лээ л дээ. Бодоод байсан ч яг минийх гээд хэлчихээр баяр төрсөн өдрөөс минь өөр байдаггүй юм байна. Шинэ жил, цагаан сар, багш нарын баяр, валентин, эмэгтэйчүүдийн баяр, цэргийн баяр, эх үрсийн баяр, улсын наадам, хувьсгалчдын өдөр, улс тунхагласны баяр, аавуудын өдөр. Ер нь иймэрхүү баярууд байна.
Шинэ жилээр бүх хүн л баярлана хэн нь хэнийгээ баярлуулна гэсэн юм байхгүй. Цагаан сараар өвөө эмээ нарын нар нь гарч, магнай нь тэнийнэ. Мань мэт нь хөлсөө гартал ажиллан байж тэднийхээ баярлуулах юмыг бэлдэнэ. За багш нарын баяр ч яахав, багш ч биш, сурагч нь ч биш юм чинь шал хамаагүй. Валентин гэхээр за найз охиноо олоод авчихсан романтик нь дэндчихсэн залуус сайхан л баярладаг байх. За эмэгтэйчүүдийн баярыг яриад ч яахав. Цэргийн баяр болсон чинь цэргээс бултчихсан гаруудыг чинь хэн тоож баярлуулахын???
-Өө энэ чинь цэргийн баяр болохоос чиний баяр биш ш тээ. Чи хэдийдээ цэрэгт яваад амжчихваа?
-Би цэрэгт арай явж амжаагүй байна л даа
-Тэгээд???
-(Амаа үдүүлсэн тул харьж унтах минь)
Зоо тэгээд эх үрсийн баяр болсон чинь:
-Чи чинь 18 хүрчихсэн биздээ?????
-Тиймээ аль хэдийн хүрчихсэн. Гэхдээ би чинь эх биш ч гэсэн үр ш тээ.
-Заааа зөнөж үхэх гэж байж битгий олон далай юм хуцаад бай
-(За)
Улсын наадмаа гэж сайхан баяр шүү. 3 хоног гэртээ сайхан амарсан шигээ унтаал налайгаал … Би энэ өдрүүдэд стадионд очиж наршиж суух ёстой юмуу, эсвэл морины тоосонд даруулах ёстой юмуу. Хувьсгалчдын өдөр, улс тунхагласны баяр? Яг хэн баярладаг юм бол? Би лав биш.
Аавуудын өдөр:
-Чи хэдийдээ аав болчихоов?
-Ө ер нь блн ш тэ
-Болохоороо сайхан баярлаарай.
За за нэг иймэрхүү баярууд л байдаг юм шиг байна.
Эцэст нь хэлэхэд энэ бичлэгийг уншиж байгаа 18 насыг зооглосон эр хүн та:
цэрэгт яваагүй, хүүхэдгүй, эхнэр аваагүй, найз охингүй бол ХҮН биш шүү

Hi all again!

Өнөөдөр үдээс хойш ажлаасаа чөлөө авах санаатай сууж байна. Чөлөө авъя гэж бодсон ажилд ерөөсөө анхаарал төвлөрөхгүй болохоор жаахан блог бичиж зугаагаа гаргая гэж бодлоо. Сониноос өчигдөр өглөө ажлаа хийгээд сууж байгаад өнгөрсөн 7 хоногийн турш хийсэн ажлаа устгачихлаа. Юу вэ гэхлээр Oracle дээр бараг 7 хоногийн турш бичсэн stored procedure-аа ашиглаад дахиад stored procedure үүсгэх гэж байгаад нэрийг нь солихоо мартаад кодыг нь устгаад compile хийгээд, ингээл 7 хоног хийсэн ажил маань будаа. Backup хийдэггүйн гай ингээд гарч ирж байгаа юм даа. Би юу хийчвээ гээл ёстой гол харлана гэгч нь болж байгаа юм даа. Дахин бичихэд харин урьд нь хийчихсэн юм болохоороо 1 л өдөр зарцууллаа. Одоо хийсэн болгоноо болсон гэж үзвэл backup хийгээд яваад байгаа. Ойрд бүтэлгүй юм их болж байнаа. Дүүдээ орой харьж яаралтай юм хийнэ, компьютер форматлаад бэлдчих гээд хэлчихсэн чинь C дээр байсан халтварны ажлын юмнуудыг авалгүй форматлаад виндоус суулгачиж. Одоо дахиад хийх ажил гараад ирсээн. Үнэн лайтай. Би өөрөө ав гэж хэлээгүй юм чинь одоо яаая гэхэв, миний л буруу. Дахиал эхнээс нь …

Ойрын блог нилээд бичих санаатай байна. Уул нь ажлынхаа зайгаар блог бичье гэж бодсон ч нэг бол огт бичихгүй, нэг бол ажлаа хойш тавиад бичээд байх юм. Яадагшуу юм билээ дээ. Ойрын үед 2 блог нээгээд, энэ блогтойгоо нийлээд 3н блогтой болчихлоо. Та нар яахав орж сонирховол сонирхоорой. http://neu2st.blogspot.com http://mongolcoder.blogspot.com

Программистууд бид байнгын шинийг мэдэж сурж байх хэрэг тулах юм. Яагаад гэхээр өндөр хурдатгалтай хөгжиж буй энэ мэдээллийн технологийн салбарыг нэгэнт сонгосон тул цаг үетэйгээ хөл нийлүүлэн алхахын тулд байнгын өөрийгөө хөгжүүлж байх хэрэг гарч байна. Хэрвээ би нягтлан бодогч байсан бол тайлан яаж гаргахыг нэг л удаа сурахад хангалттай. Тэгтэл би 2000 онд Pascal хэл сурч байсан бол одоо Pascal хэл хэнд ч хэрэггүй болчихсон. 2003 онд Delphi сурч байсан бол Delphi одоо моодноос гараад, C# сураад эхэлж байдаг. C# нь удахгүй моодноос гарч л таарна. Тэгээд ирэхээрээ миний энд судлаж буй зүйлийг хэдэн мянган хүн яг ижилхэн судлаад л явж байгаа. Иймээс ерөн мэргэжлийнхээ чиглэлээр блог нээж шинээр сурсан мэдсэн болгоноо бичиж тэмдэглэж байя гэж бодон дээрх блогийг нээсэн юм. Дараа өөрөө эргүүлж харахад ч хялбар, бас нөхөдтэйгээ мэдлэгээ хуваалцахад тустай зүйл мэт. Үүнийг ганц би биш (орж үзсэн бол 5 постер байгааг харсан болуу) мэргэжил нэгт сайн найзуудын хамтаар хөтлөн явуулахаар болсон юм. Нэг нь Англи хэл дээр, нөгөөдөх нь Монгол хэл дээр яг ижилхэн бичлэг хийгээд явах зорилготой 2-ийг нээсэн. Гадны хүн ч, Англи хэл мэдэхгүй Монгол хүнд ч хүртээлтэй байх үүднээс ингэж шийдэв.

Цааш үргэлжлүүлж бичих гэснээ нэгдүгээрт шал өөр сэдэв, хоёрдугаарт залхуу хүрсэн тул ингээд өндөрлөе.